काठमाडौं । हाथवे इन्भेष्टमेन्ट नेपालको स्वामित्वमा रहेको ३ कम्पनीको संस्थापक सेयरमा आवेदन दिने आज आइतबार अन्तिम दिन रहेको छ । कम्पनीको सो सेयरमा आज कार्यालय समयसम्म आवेदन दिन पाइने भएको हो । यस कम्पनीले भदौ २० गतेदेखि सेन्चुरी कमर्सियल बैंकको २ लाख ५ हजार ५१३ कित्ता, मञ्जुश्री फाइनान्सको ९५ हजार ९५५ कित्ता र कामना सेवा विकास बैंकको २ लाख ५० हजार ४६६ कित्ता सेयर लिलामीमा ल्याएको थियो ।

लगानीकर्ताहरुले सबै कम्पनीमा न्यूनतम ५ हजार कित्ताका लागि आवेदन दिन सक्नेछन् । सेन्चुरीको प्रतिसेयर न्यूनतम भाउ १५० रुपैयाँ, मञ्जुश्रीको ३५० रुपैयाँ र कामना सेवाको २५० रुपैयाँ रहेको छ । लगानीकर्ताले उक्त मूल्यलाई आधार मानेर बोलपत्र पेश गर्नुपर्नेछ । यसमा ग्लोबल आइएमई क्यापिटल बिक्री प्रबन्धक रहेको छ भने नक्सालस्थित बिक्री प्रबन्धकको कार्यालयमा पुग्नेगरी लिलामीको बोलपत्र पेश गर्नुपर्नेछ ।