काठमाडौं । सेञ्चुरी क्यापिटलले पाँचौं वार्षिक साधारणसभा असोज २४ गते बोलाएको छ । कम्पनीले सभा आर्यतारा भवन काठमाडौंमा बिहान ११ बजे बोलाएको हो ।

सभामा कम्पनीले चुक्ता पुँजीको ६.२५०% नगद लाभांश दिने (कर सहित) प्रस्ताव पेश गर्ने भएको छ । नगद लाभांश प्रयोजनका लागि यसले १ करोड २५ लाख रुपैयाँ छुट्याएको छ । सभामा आर्थिक वर्ष २०७७/७८ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव पनि हुनेछ ।

आर्थिक वर्ष २०७८/७९ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि सभामा पेस हुनेछन् ।