काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
रामपुर नगरपालिका–४ का युवा दिलबहादुर थापाले व्यावसायिक रुपमा गर्नुभएको तरकारीखेती । एक दशक वैदेशिक रोजगारमा बसेर गाउँ फर्कनुभएका थापाले अहिले तरकारीखेती गरेर मनग्य आम्दानी गर्दै आउनुभएको छ ।
म्याग्दी र मुस्ताङलाई राष्ट्रिय राजमार्गसँग जोड्ने मालढुङ्गा बेनी सडकको मालढुङ्गा खण्डमा सडक फराकिलो पारिँदै । बेनी–जोमसोम–कोरला सडक आयोजनाले १३ किलोमिटर सडकलाई दुई लेनको बनाउन लागेको हो ।
बागलुङको बलेवा र पर्वतको कुश्मा जोड्ने विश्वकै दोस्रो अग्लो बञ्जीपुलमा बञ्जी गर्दै आन्तरिक पर्यटक ।
दि क्लिप प्रालिले पर्वत र बागलुङका बीचमा बग्ने कालीगण्डकी नदीमाथि निर्माण गरेको बन्जी पुलसँगै रहेको गुलेली पिङमा रमाउँदै आन्तरिक पर्यटक ।
पर्वतको कुश्मा नगरपालिका–१ मालढुङ्गास्थित कालीगण्डकी नदीले बगाएर ल्याएको बालुवा निकाल्दै मजदुर । मालढुङ्गाका सुकुम्वासी बालुवा बेचेर गुजारा चलाउँदै आएका छन् ।
सुर्कालबाट देहिमाडौँ जाँदै गर्दा सोमबार देहिमाडौँ नजिकै दुर्घटना भएको भे १ च १११६ नम्बरको बोलेरो जीप । जीप दुर्घटना हुँदा नौ जना घाइते भएका छन् ।
मेलम्ची नगरपालिका वडा नं ६ न्वार खोलामा साउन १६ गते आएको बाढीले कटान गरेर अवरुद्ध भएको सडकको निर्माण कार्य हुँदै सडक निमार्ण भएपछि मेलम्ची –हेलम्बु आवतजावतमा सहजता हुनेछ ।
पोखरा– १७ स्थित फेवाफाँटको वरिपरि घर खाली जमिनमा देखिएको धानको हरियाली सुन्दरता ।
भेरी नगरपालिका–१ पिपेमा लगाएको हरियाली धानखेती । यस क्षेत्रमा वर्षमा तीन बाली उत्पादन हुन्छ ।
प्रतिक्रिया दिनुहोस्