काठमाडौं । जिल्ला प्रशासन कार्यालय, धनुषामा कार्यरत नासु उमेश कुमार चौधरीविरुद्ध भ्रष्टाचारको मुद्दा दायर गरिएको छ । अख्तियार दुरुपयोग अनुसन्धान आयोगले चौधरीविरुद्ध भ्रष्टाचारको मुद्दा दायर गरेको हो । चौधरीले सेवाग्राहीबाट नागरिकताको प्रतिलिपि बनाइदिने बाहनामा ८ हजार ५०० रुपैयाँ घूस लिइसकेको अवस्थामा गत भदौ २२ गते अख्तियारले नियन्त्रणमा लिएको थियो ।
अनुसन्धानको क्रममा जन्म मिति सच्याई नागरिकताको प्रतिलिपि बनाउने प्रयोजनार्थ सेवाग्राहीसँग घूस लिएको पुष्टी भएको भन्दै अख्तियारले मागदावी लिएर निज चौधरीविरुद्ध सोमबार विशेष अदालत, काठमाडौंमा मुद्दा दायर गरेको बताएको छ ।
