काठमाडौं । साताको कारोबारको चौथो दिन बुधबार पनि नेप्से परिसूचक भारी अंकले बढेको छ । मंगलबारको तुलनामा नेप्से परिसूचक ६८.४७ अंकले बढेर २६८१.१० बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २२७ कम्पनीको ८१ लाख ८९ हजार ८९० कित्ता सेयर खरिद बिक्री हुँदा ४ अर्ब ५० करोडमाथिको कारोबार भएको छ ।
अधिकाशं बैंक तथा वित्तीय संस्थाले आफ्ना सेयरधनीहरुका लागि लाभांश गरेपछि त्यसको सकारात्मक प्रभाव सेयर बजारमा परेको हो । मंगलबार पनि बजार ४१.८४ अंकले बढेको थियो । आज सबैभन्दा बढी कारोबार सिटिजन्स बैंकको भएको छ । यस कम्पनीको २३ करोड ४ लाख ३७ हजार रुपैयाँ बराबरको सेयर कारोबार भएको हो । आज उपसमूह बढेका छन् ।
यसैगरी बुधबारको सेयर बजारमा किसान लघुवित्त, प्रोग्रेसिभ फाइनान्स, ग्रिन डेभलपमेन्ट बैंकका लगानीकर्ताले मनग्य पैसा छापेका छन् । यी कम्पनीको सेयर मूल्यमा पोजेटिभ सर्किट लागेका हुन् । यस अलावा सामुदायिक लघुवित्त, बेस्ट फाइनान्स, ग्लोबल आइएमई लघुवित्त, नयाँ सारथी नेपाल लघुवित्त, सबैको लघुवित्त, ग्रामिण विकास लघुवित्त, मिथिला लघुवित्तलगायतका लगानीकर्ता पनि मालामाल भएका छन् । हेर्नुहोस् बुधबार सबैभन्दा बढी नाफा गर्ने कम्पनीहरुको सूची :
यसैबीच बुधबारको बजारमा सबैभन्दा बढी कारोबार सिटिजन्स बैंकको भएको छ । यस कम्पनीको २३ करोड ४ लाख ३७ हजार रुपैयाँ बराबरको सेयर कारोबार भएको हो । यस अलावा मेरो माइक्रोफाइनान्स वित्तीय सस्था, हिमालयन डिस्टिलरी, सिटिजन्स बैंक, एनआइसी एसिया बैंक, निर्धन उत्थान लघुवित्त, हिमालयन डिस्टिलरी, छिमेक लघुवित्त र नेपाल बैंकको पनि अत्याधिक कारोबार भएको छ । हेर्नुहोस् बुधबार सेयर बजारमा सर्वाधिक कारोबार हुने कम्पनीहरुको सूची :
यस्तै बुधबारको सेयर बजारमा रिडी हाइड्रपावर र न्यादी ग्रुपका लगानीकर्ताले सबैभन्दा बढी गुमाएका छन् । यी कम्पनीको सेयर मूल्यमा नेगेटिभ सर्किट लागेको हो । हेर्नुहोस् बुधबारको सेयर बजारमा सबैभन्दा बढी गुमाउने टप १० कम्पनीहरुको सूची :
