काठमाडौं । मुक्तिनाथ क्यापिटलले कात्तिक २३ गते विशेष साधारणसभा आह्वान गरेको छ । कम्पनीले सभा मुक्तिनाथ विकास बैंकको प्रमुख कार्यालय काठमाडौं प्लाजा कमलादीमा बिहान ११ बजे आह्वान गरेको हो ।
कम्पनीले सो सभामा हाल कायम चुक्ता पूँजीबाट १००% हकप्रद निष्कासन गर्ने विशेष एजेन्डा पेश गरिने जनाएको छ । साथै सभामा कम्पनीको अधिकृत, जारी तथा चुक्ता पूँजी वृद्धि गर्ने प्रस्ताव पनि छ । सभामा प्रबन्धपत्र संशोधन गर्ने पनि अर्को एजेन्डा रहेको कम्पनीले जनाएको छ ।
यता प्रबन्धपत्रमा प्रस्तावित संशोधनको सम्बन्धमा नियमनकारी निकायबाट थपघट, परिवर्तन वा संशोधनको निर्देशन भएमा सोही बमोजिम थपघट गर्नेलगायतका विषयमा छलफल हुनेछ ।
