काठमाडौँ । देशभर विभिन्न घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
म्याग्दीको पुलाचौरका किसान बारीमा कोदो टिप्दै । कोदो बाली भित्र्याउन किसानलाई अहिले चटारो छ ।
प्रधानमन्त्री शेरबहादुर देउवा यही कात्तिक १५ र १६ (नोभेम्बर १ र २) मा संयुक्त अधिराज्यको ग्लास्गोमा हुने संयुक्त राष्ट्रसङ्घीय संरचना महासन्धि (कोप–२६) को पक्षको २६औँ सम्मेलनअन्र्तगतको वल्र्ड लिडर समिटमा भाग लिन नेपाली प्रतिनिधिमण्डलको नेतृत्व गर्दै शुक्रबार त्यसतर्फ प्रस्थान गर्ने क्रममा त्रिभुवन अन्तर्राष्ट्रिय विमानस्थलमा ।
म्याग्दीको टोड्केबाट देखिएको धवलागिरि हिमाल ।
चम्ल्याहा शिशु जन्माएकी पाल्पा, माथागडी– १ चिदीपानीकी २४ वर्षीया सीता सार्कीको परिवारलाई बिहीबार लायन्स क्लब अफ भैरहवा ग्रीन सिटीको तर्फबाट रु ४० हजार प्रदान गर्दै । सीताले चार शिशुको बुधबार दिउँसो जन्म दिएकी थिइन् ।
धवलागिरि आयुर्वेदिक औषधालय बागलुङको परिसरमा लगाइएको बहुगुणी जडिबुटी गुर्जो । औषधालयले गुर्जोबाट आयुर्वेदिक औषधि बनाउने गरेको छ ।
गत असार १ गतेको बाढीले पक्की पुलमा क्षति पु¥याएपछि मेलम्चीको इन्द्रावती नदीमा ह्युम पाईप राखेर बनाइएको बाटो ।
चाँगुनारायण नगरपालिकाले उपप्रमुख वीणा बाँस्तोलाको नेतृत्वको टोलीले शुक्रबा बजार अनुगमन गर्दै ।
चाँगुनारायण नगरपालिकाले उपप्रमुख वीणा बाँस्तोलाको नेतृत्वको टोलीले शुक्रबा बजार अनुगमन गर्दै ।
काभ्रेपलाञ्चोकको रोशी गाउँपालिका–११ जुगेपानीस्थित पौवामा रहेको दुग्ध विकास संस्थानको दुग्धपदार्थ उत्पादन तथा बिक्रीवितरण केन्द्रमा पनिर बनाउन तामाको भ्याटमा दूध उमाल्दै कर्मचारी । विसं २०२७ मा स्थापित केन्द्रमा दैनिक सहकारीमार्फत सङ्कलित करिब ८०० लिटर दूधबाट चिज, पनिर, मखन, नौनीलगायत दुग्धजन्य परिकार उत्पादन हुँदै आएको छ ।
म्याग्दीको पर्यटकीयस्थल टोड्केमा सञ्चालित टोड्केहिल रिसोर्ट र पृष्ठभूमिमा धौलागिरि हिमश्रृङ्खला ।
