डढेलधुरा । प्रेस चौतारी नेपालका केन्द्रीय अध्यक्ष गणेश बस्नेतले पाँचौ पटक प्रधानमन्त्री बनेका शेर बहादुर देउवाले आफ्नै गाउँ जाने बाटो बनाउन नसकेको बताएका छन् । प्रेस चौतारीको सुदूरपश्चिम प्रदेश भेलालाई सम्बोधन गर्दै उनले असक्षम प्रधानमन्त्रीको जिउँदो साक्षी देउवा भएको बताएका हुन् ।
प्रधानमन्त्री शेर बाहादुरको गृह जिल्लामा उभिएर चुनौति दिंदै उनले झुक्किएर पाँच पटक प्रधानमन्त्री बनेको भएतापनि अव सम्भावना शून्य रहेको उनले ठोकुवासमेत गरेका छन् ।
‘पार्टी अध्यक्ष केपी ओलीको योजना तुहाउने शेर बहादुर देउवा हो’, उनले भने, ‘ व्यवस्थित बाटाघाटाका योजना अन्धो भएर सबै खारेज गरिदिएर सुदूरको विकास १० वर्ष पछाडी धकेल्ने पनि उनै देउवा हुन् ।’ उनले भने ।
त्यस्तै उनले पाँच पटक प्रधानमन्त्री बन्दापनी आफ्नै गाउँ जाने बाटो बनाउन नसकेको आरोप लगाएका छन् । ‘देउवा देखेर सुदूरका जनता आजित बनिसके’, अध्यक्ष बस्नेतले भने-‘आफ्नै घर राम्रो भएको नरुचाउनेले देशको बाटो तय गर्न सक्दैनन् ।’
