काठमाडौं । सिभिल लघुवित्त वित्तीय संस्थाले वार्षिक साधारणसभा बोलाएको छ । कम्पनीले कात्तिक २८ गते आइतबार वार्षिक साधारण सभा बोलाएको हो । उक्त सभा बोगनभिल्ला इभेन्ट्स त्रिपुरेश्वर काठमाडौंमा बिहान ११ बजेबाट सुरु हुने भएको छ ।

सभामा १९ प्रतिशत बोनस सेयर र कर तिर्न १ प्रतिशत नगद लाभांश दिने प्रस्ताव पेश हुने भएको छ । यसआधारमा कम्पनीले ४ करोड ६० लाख ३ हजार ६२ रुपैयाँ बराबरको बोनस र करका लागि २४ लाख २१ हजार २१३ रुपैयाँ नगद लाभांश बाँड्नेछ ।

कम्पनीको आर्थिक वर्ष २०७७/७८ को नाफा नोक्सान सम्बन्धी हिसाबका सम्बन्धमा पनि छलफल हुने एजेण्डा पनि रहेको छ । आर्थिक वर्ष २०७८/७९ का लागि लेखापरीक्षक नियुक्त गरी पारिश्रमिक निर्धारण गर्ने अर्को एजेण्डा पनि रहेको छ । सभा गर्न कम्पनीले कात्तिक १४ बुक क्लोज गरेको थियो । जसकारण कात्तिक १३ गतेसम्म कायम सेयरधनीहरुले मात्र लाभांश लिन र सभामा भाग लिन पाउनेछन् ।