काठमाडौं । स्वावलम्बन लघुवित्त वित्तयि संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमाससम्म आइपुग्दा १० करोड ५६ लाख ७९ हजार रुपैयाँ खुद नाफा आर्जन गरेको छ । जुन नाफा गत वर्षकाभन्दा १७.२५ प्रतिशतले कम हो ।
अघिल्लो वर्षको यसैअवधिमा कम्पनीले १२ करोड ७७ लाख ७ हजार रुपैयाँ खुद नाफा आर्जन गरेका थियो । यस्तै सञ्चालन नाफा पनि २३.८३ प्रतिशतले घटेर १५ करोड ४४ लाख १२ हजार रुपैयाँमा आएको छ । अघिल्लो वर्ष यसले २० करोड २७ लाख १० हजार रुपैयाँ सञ्चालन नाफा आर्जन गरेको थियो ।
कम्पनीको खुद ब्याज आम्दानी भने १८.९५ प्रतिशले बढेर ३८ करोड ८६ लाख ३० हजार रुपैयाँ पुगेको छ । अघिल्लो वर्ष कम्पनीले ले ३२ करोड ६७ लाख १४ हजार रुपैयाँ खुद ब्याज आम्दानी गरेको थियो । यस्तै कम्पनीको प्रतिसेयर आम्दानी ४४ रुपैयाँ ८३ पैसामा रहेको छ भने प्रतिसेयर नेटवर्थ ३०३ रुपैयाँ ०९ पैसा रहेको छ ।
