काठमाडौं । सगरमाथा इन्सुरेन्सले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा ६ करोड १७ लाख १ हजार खुद नाफा आर्जन गरेको छ ।

यो नाफा गत वर्षको भन्दा १०.८८ प्रतिशतले बढि हो । गतवर्ष कम्पनीले ५ करोड ५६ लाख ४९ हजार रुपैयाँ खुद नाफा कमाएको थियो । यसअवधिमा बिमा कोष ६४.०३ प्रतिशतले बढेर १ अर्ब ८ करोड १३ लाख ७३ हजार रुपैयाँ पुगेको छ ।

अघिल्लो वर्ष कम्पनीको बिमा कोषमा ६५ करोड ९२ लाख ६० हजार रुपैयाँ थियो । एक वर्षको अवधिमा खुद बिमा शुल्क १०.०७ प्रतिशतले बढेर ३९ करोड ४२ लाख ५ हजार रुपैयाँ पुगेको छ । अघिल्लो वर्षको यसैअवधिमा कम्पनीले ३५ करोड ८१ लाख ३४ हजार रुपैयाँ खुद बिमा शुल्क आर्जन गरेको थियो । प्रतिसेयर आम्दानी २२ रुपैयाँ २१ पैसा र प्रतिसेयर नेटवर्थ २५२ रुपैयाँ ०९ पैसा छ ।