काठमाडौं । अजोड इन्स्योरेन्सको चालु आर्थिक वर्षको पहिलो त्रैमाससम्म आइपुग्दा ७९.२३ प्रतिशतले खुद नाफा घटेको छ । कम्पनीले यसअवधिमा १ करोड १० लाख १८ हजार रुपैयाँ आर्जन गरेको छ । अघिल्लो वर्षको यसैअवधिमा कम्पनीले ५ करोड ३० लाख ५४ हजार रुपैयाँ खुद नाफा आर्जन गरेको थियो ।

यस्तै कम्पनीको खुद बिमा शुल्क आर्जन पनि १०.४६ प्रतिशतले घटेर १० करोड ३५ लाख ६१ हजार रुपैयाँ पुगेको छ । अघिल्लो वर्षको यसैअवधिमा यसले ११ करोड ५६ लाख ५९ हजार रुपैयाँ खुद बिमा शुल्क आर्जन गरेको थियो ।

कम्पनीको बिमा कोषको आकार भने ३२.७३ प्रतिशतले वृद्धि भएर ११ करोड ६९ लाख ७५ हजार रुपैयाँ पुगेको छ । अघिल्लो वर्षको यसैअवधिमा यसको बिमा कोषमा ८ करोड ८१ लाख २७ हजार रुपैयाँ थियो । यस्तै कम्पनीको प्रतिसेयर आम्दानी ४ रुपैयाँ ४ पैसा रहेको छ भने प्रतिसेयर नेटवर्थ १२२ रुपैयाँ ७४ पैसा रहेको छ ।