काठमाडौं । नेपाल इन्स्योरेन्स कम्पनीले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमाससम्म आइपुग्दा ५ करोड ९५ लाख ११ हजार रुपैयाँ खुद नाफा आर्जन गरेको छ । यो नाफा गत वर्षको भन्दा ९.११ प्रतिशतले बढी हो । अघिल्लो वर्षको यसैअवधिमा कम्पनीले ५ करोड ४५ लाख ४४ हजार रुपैयाँ खुद नाफा आर्जन गरेको थियो । यस्तै कम्पनीको बिमा कोषको आकार पनि ३६.८६ प्रतिशतले वृद्धि भएर ६२ करोड ३९ लाख १२ हजार रुपैयाँ पुगेको छ ।

अघिल्लो वर्षको यसैअवधिमा यसको बिमा कोषमा ४५ करोड ५८ लाख ७० हजार रुपैयाँ थियो । यस्तै खुद बिमा शुल्क पनि ६.८५ प्रतिशतले वृद्धि भएर २० करोड ३५ लाख ९० हजार रुपैयाँ पुगेको छ । अघिल्लो वर्षको अवधिमा कम्पनीले १९ करोड ५ लाख ४० हजार रुपैयाँ खुद बिमा शुल्क आर्जन गरेको थियो । यस्तै कम्पनीको प्रतिसेयर आम्दानी १९ रुपैयाँ १६ पैसा रहेको छ भने प्रतिसेयर नेटवर्थ १८६ रुपैयाँ ४६ पैसा रहेको छ ।