काठमाडौं । लुम्बिनी जनरल इन्स्योरेन्सले चालु आर्थिक वर्षको पहिलो त्रैमासमा ४ करोड ३० लाख रुपैयाँ खुद नाफा आर्जन गरेको छ । यो नाफा गत वर्षको भन्दा ०.२३ प्रतिशतले बढी हो । गत वर्षको यसै त्रैमाससम्म कम्पनीले ४ करोड २९ लाख रुपैयाँ नाफा आर्जन गरेको थियो । यस्तै कम्पनीको खुद बिमा शुल्क पनि ०.९१ प्रतिशतले वृद्धि भएर १९ करोड ९६ लाख रुपैयाँ पुगेको छ । गत वर्ष कम्पनीले १९ करोड ७८ लाख रुपैयाँ खुद बिमा शुल्क आर्जन गरेको थियो ।

गत वर्ष ६६ करोड ५९ लाख रुपैयाँ रहेको बिमा कोष यो त्रैमासमा २.८८ प्रतिशतले वृद्धि भएर ७५ करोड १७ लाख रुपैयाँ पुगेको छ । लुम्बिनीको खुद दाबी भुक्तानी ११ करोड ५८ लाख रुपैयाँ रहेको छ भने २९ करोड २९ लाख रुपैयाँ कुल दाबी भुक्तानी हुन बाँकी छ । कम्पनीको प्रतिसेयर आम्दानी १४ रुपैयाँ ३६ पैसा रहेको छ भने प्रतिसेयर नेटवर्थ १९४ रुपैयाँ १८ पैसा रहेको छ । जगेडा कोषमा ३४ करोड ३७ लाख रुपैयाँ रहेको कम्पनीको चुक्ता पुँजी १ अर्ब १९ करोड रुपैयाँ रहेको छ ।