काठमाडौं । बैंकिङ कसूरको मुद्दामा फरार एक महिलालाई प्रहरीले पक्राउ गरेको छ । सो मुद्दामा काठमाडौं जिल्ला,का.म.न.पा १० स्थायी वतन भई हाल ललितपुर जिल्ला, सानागाँउ बस्ने ५१ वर्षय दुर्गा शाही सापकोटालाई प्रहरीको केन्द्रीय अनुसन्धान ब्युरोको टोलीले सानागाँउ ललिपुरबाट पक्राउ बुधबार पक्राउ गरेको हो ।
उनलाई चेक अनादार मुद्दामा उच्च अदालत पाटनले ७ दिन कैद र १३ लाख ६५ हजार रुपैयाँ जरिवानाको फैसला सुनाएको थियो । सापकोटाले आफ्नो खातामा पर्याप्त मौज्दात रकम नभएको भन्ने जानी/जानी जाहेरवालालाई झुक्यानमा पारी सन् २०७५/०७/०६ गते हिमालयन बैंक लिमिटेडको चेक काटी सो कसुर गरेकी थिइन् । पक्राउ परेकी सापकोटालाई फैसला कार्यान्वयनका लागि काठमाडौं जिल्ला अदालतमा पेस गरेको ब्युरोले जनाएको छ ।
