काठमाडौं । साताको कारोबारको अन्तिम दिन बिहिबार नेप्से परिसूचक घटेको छ । बुधबारको तुलनामा नेप्से परिसूचक ३.२२ अंकले घटेर २७३१.७८ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २३३ कम्पनीको ७४ लाख ८६ हजार ५७५ कित्ता सेयर खरिद बिक्री हुँदा ३ अर्ब ७८ करोडमाथिको कारोबार भएको छ । आज पनि सबैभन्दा बढी कारोबार नेपाल टेलिकमको भएको छ । यस कम्पनीको २६ करोड ५७ लाख १३ हजार ७३६ रुपैयाँ बराबरको सेयर कारोबार भएको हो । आज ३ वटा उपसमूह बाहेक सबै उपसमूहका उप-परिसूचक घटेका छन् ।
यस्तै बिहिबारको सेयर बजारमा मानुषी लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा बढीले घटेको हो । मानुषीको सेयरमा यस्तो गिरावट आउँदा साना किसान विकास बैंक, कर्णाली डेभलपमेन्ट बैंकमा पनि उच्च गिरावट देखिएको छ । हेर्नुहोस् बिहिबारको सेयर बजारमा सबैभन्दा बढी गुमाउने टप १० कम्पनीहरुको सूचीः
यसैबीच बिहिबारको बजारमा सबैभन्दा बढी कारोबार नेपाल टेलिकमको भएको छ । यस कम्पनीको २६ करोड ५७ लाख १३ हजार ७३६ रुपैयाँ बराबरको सेयर कारोबार भएको हो । यस अलावा महालक्ष्मी विकास बैंक, सिभिल बैंक, साना किसान विकास बैंक, नबिल बैंक, चन्द्रागिरी हिल्स, ज्योति विकास बैंक, नेशनल हाईड्रोपावर कम्पनी, अपि पावर कम्पनी, लुम्बिनी विकास बैंकको पनि अत्याधिक कारोबार भएको छ । हेर्नुहोस् बिहिबार सेयर बजारमा सर्वाधिक कारोबार हुने कम्पनीहरुको सूचीः
यसैगरी बिहिबारको सेयर बजारमा समृद्धि फाइनान्सका लगानीकर्ताले मनग्य पैसा छापेका छन् । यस कम्पनीको सेयर मूल्य ९ प्रतिशतभन्दा बढीले बढेको हो । यस अलावा सामलिङ पावर कम्पनी, तारागाउँ रेजेन्सी होटल, कुमारी बैंक, सेन्चुरी बैंक, जोशी हाईड्रोपावर, कर्पोरेट डेभलपमेन्ट बैंक, आरेन्टल होटेलका लगानीकर्ता पनि मालामाल भएका छन् । हेर्नुहोस् बिहिबार सबैभन्दा बढी नाफा गर्ने कम्पनीहरुको सूचीः
