काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ । जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ ।
आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले सप्तरीको सदरमुकाम राजविराजको मुख्य बजारमा यत्रतत्र सडकमै पार्किङ गरी राखिएको मोटरसाइकलदेखि नमूना साना किसान कृषि सहकारीद्वारा गाईको दूधबाट तयार पारिएको छुर्पीसम्मका तस्विरलाई फोटोमा समेटेका छौं ।
हेरौं फोटो समाचार:
सप्तरीको सदरमुकाम राजविराजको मुख्य बजारमा यत्रतत्र सडकमै पार्किङ गरी राखिएको मोटरसाइकल । यसरी सडक पेटिमा सवारीसाधन राखिएको कारण दुर्घटनाको उच्चजोखिम बढेको छ ।
स्याङ्जाको वालिङस्थित नमूना साना किसान कृषि सहकारीद्वारा गाईको दूधबाट तयार पारिएको छुर्पी । सहकारीले यहाँ व्यावसायिक रुपमा उत्पादन गरेको छुर्पी अमेरिका निर्यात हुन थालेको छ ।
पृथ्वी राजमार्गको सडक छेउमा बिक्रीका लागि राखिएको केरा ।
पृथ्वी राजमार्गमा सडक विस्तार गर्ने क्रममा मजदूर ।
पोखरा महानगरपालिका वडा नं १३ काहूँका किसान धान झारेर तयार गरेको धानको रासलाई घर भित्राउनुअघि अन्नपूजा गर्दै ।
बैतडीको मेलौलीमा गहुँ उम्रेपछि देखिएको खेतको दृश्य ।
बैतडीको पाटन-पञ्चेश्वर सडकखण्डमा निर्माणाधिन मोटरेबल पुल ।
