काठमाडौं । सांग्रिला डेभलपमेन्ट बैंकले संस्थापक सेयर बिक्रीमा ल्याएको छ । बैंकका २ जना संस्थापक सेयरधनीले ४१ हजार ८२७ कित्ता सेयर बिक्रीमा ल्याएका हुन् । बैंकका संस्थापक सेयरधनी रुपेश थापाले आफ्नो नाममा रहेको २० हजार कित्ता र शंकर ज्ञवालीले १९ हजार ८२७ कित्ता सेयर बिक्रीमा ल्याएका हुन् । उक्त सेयरमा सांग्रिलाकै संस्थापक सेयरधनीले मात्र आवेदन दिन सक्ने भएका छन् ।

संस्थापक सेयर खरिद गर्न चाहने सेयरधनीले सूचना प्रकाशित भएको मंसिर १२ गतेबाट ३५ दिनभित्र आवश्यक कागजपत्रसहित बैंकको केन्द्रीय कार्यालय बालुवाटार काठमाडौंमा आवेदन दिनुपर्नेछ । यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने भएको छ ।