काठमाडौं । नारायणी डेभलपमेन्ट बैंक लिमिटेडले हकप्रद सेयर निष्कासन गर्ने भएको छ । बैंकले १ः१ को अनुपातमा १०० रुपैयाँ अंकित दरमा कुल १३ करोड १२ लाख ३३ हजार ८ सय रूपैयाँ बराबरको १३ लाख १२ हजार ३ सय ३८ कित्ता हकप्रद सेयर निष्कासन गर्ने भएको हो ।
बैंकले हकप्रद सेयर प्रयोजनको लागि बुक क्लोज मिति पनि तय गरेको छ । बैंकले हकप्रद निष्कासन गर्ने प्रयोजनका लागि बुक क्लोज गर्ने निर्णय गरेको हो । त्यसैले मंसिर २३ गतेसम्म नेप्सेमा कारोबार भई कायम भएका सेयरधनीहरूले मात्र हकप्रद सेयरमा आवेदन दिन सक्ने भएका छन् ।
बैंकले नेपाल धितोपत्र बोर्डबाट हकप्रद सेयर निष्कासनको लागि अनुमति पाइसकेको छ । बैंकको हकप्रद निष्कासन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
