काठमाडौं । सानिमा बैंकको प्रमुख कार्यकारी अधिकृतमा निश्चलराज पाण्डे नियुक्त भएका छन् । बैंकले माघ १२ गतेदेखि बैंकको व्यवस्थापन सम्हाल्ने गरी पाण्डेलाई नियुक्त गरेको हो । सिइओ भुवन दहाल दुई कार्यकाल पुरा गरेर माघ ११ गतेबाट अवकाश हुने भएका छन् ।
पाण्डे यसअघि विभागीय प्रमुखको जिम्मेवारीमा थिए । उनलाई प्रमुख कार्यकारी अधिकृत बनाउने भएपछि बैंक सञ्चालक समितिले डेपुटी प्रमुख कार्यकारी अधिकृतमा बढुवा गरिसकेको छ ।
पाण्डे जोखिम र ऋण प्रवाहमा अब्बल मानिन्छन् । नबिल बैंकबाट बैंकिङ करियर सुरु गरेका उनी ८ वर्षअघि डेपुटी प्रमुख कार्यकारी अधिकृतमा रूपमा सानिमा बैंक गएका हुन् ।
