काठमाडौं । प्रिमियर इन्सुरेन्स कम्पनीको संस्थापक सेयर आज पुस २६ गते देखि बिक्री खुला भएको छ । कम्पनीले ५ लाख ३८ हजार ९६५ कित्ता संस्थापक सेयर लिलामीमा ल्याएको हो ।
सो सेयर खरिद गर्न इच्छुक विद्यमान संस्थापक वा व्यक्ति, कम्पनी तथा संस्थाले कम्पनीले माघ ७ गतेसम्म बोलपत्र पेश गर्न सक्नेछन् । सेयरको न्यूनतम भाउ ३९५ रुपैयाँ तोकिएको छ ।
आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्नेछ । सेयर खरिदका लागि बोलकबोल गर्दा न्यूनतम न्यूनतम ५०० कित्तादेखि अधिकतम सबै कित्तासम्म माग गर्न सकिने व्यवस्था छ । कम्पनीको सेयर बिक्री प्रबन्धकमा एनआइसी एसिया क्यापिटल रहेको छ ।
