काठमाडौं । कामना सेवा विकास बैंकले ३१ हजार ७२९ कित्ता संस्थापक सेयर बिक्रीमा ल्याएको छ । आज बुधबारदेखि २ बैंकका जना सेयरधनीले आफ्नो नाममा रहेको ३१ हजार ७२९ कित्ता संस्थापक सेयर बिक्री गर्ने भएका हुन् ।
जसमा बैंकका संस्थापक सेयरधनी श्री राम पाण्डेको नाममा २६ हजार ८९४ कित्ता र रुपेश थापाको नाममा ४ हजार ८३५ कित्ता सेयर रहेको छ । यसको मूल्य भने खुलाइएको छैन । सेयर खरिद गर्न बैंकको संस्थापक सेयरधनी नै हुनुपर्नेछ ।
किन्न चाहने संस्थापक सेयरधनीले ३५ दिन भित्र बैंकको सेयर मुख्य कार्यालय ज्ञानेश्वर काठमाडौंमा सम्पर्क गर्नुपर्नेछ । तोकिएको अवधिमा कोही पनि संस्थापक सेयरधनीबाट आवेदन नआएमा भने सर्वसाधारणका लागि बिक्री खुला गरिनेछ ।
