काठमाडौं । इन्फिनिटीलघुवित्तवित्तीय संस्थाको पाँचौ वार्षिक साधारणसभा सम्पन्न भएको छ । संस्थाको अध्यक्ष खेमराज नेपालको अध्यक्षतामा केन्द्रीय कार्यालय गैंडाकोट, नवलपरासी (ब.सु.पु)मा २०७८ पौष २७गते सम्पन्न भएको हो ।
उक्त साधारणसभामा कम्पनी सचिव तथा प्रमुखकार्यकारी अधिकृत प्रवीणकुमार लामाले भौतिक र भर्चुअल माध्यमद्धारा उपस्थित सञ्चालक, अतिथि र सम्पूर्ण शेयरधनीहरुलाई स्वागत गरेका थिए । साधारणसभाले मुख्यतया आर्थिक वर्ष २०७७/७८ सम्मको मुनाफाबाट चुक्तापुँजी ३२,४६,०३,४७२ को २७.७० प्रतिशत बोनस शेयर, १.४६ प्रतिशतले नगद लाभांश (बोनश शेयर लाभांशमा लाग्ने कर प्रयोजनको लागि)पारित गरेको थियो ।
सभामा संस्थापक शेयरधनीहरुको तर्फवाट विष्णु कुमार घिमीरे, रमेशकुमार कर्माचार्य, रामकृष्ण डंगोल र धरा नेपाल जोशीनिर्विरोध निर्वाचित भएको थिए । साधारणसभापश्चात २०७८ पौष २७ गते बसेको ७७औं बैठकबाट अध्यक्षपदमा सञ्चालक बलराम विष्ट चयन भएका छन् । विष्टले पौष २८ गतेनै नेपाल राष्ट्रबैंक, बैंक तथा वित्तीय संस्था नियमन विभागका कार्यकारी निर्देशक देव कुमार ढकाल समक्ष पद तथा गोपनियताको शपथ लिएका थिए ।
