काठमाडौं । दूधको मूल्य प्रतिलिटर साढे ६ रुपैयाँ बढेको छ । सोमबार बसेको मन्त्रिपरिषदको बैठकले साविकको मूल्य प्रतिलिटर ६ रुपैयाँ ५२ पैसा मूल्य बढाएको राष्ट्रिय दुग्ध विकास बोर्डका कार्यकारी निर्देशक राजेशप्रसाद यादवले बताएका हुन् ।
यसअघि दूधको मूल्य प्रतिलिटर ४९ रुपैयाँ ५२ पैसा रहेको थियो भने अब सरकारले बढाएर प्रतिलिटर ५६ रुपैयाँ ४ पैसा कायम गरेको छ । उपभोक्ताका लागि प्रशोधित दूधको मूल्य दुग्ध विकास संस्थानले तय गर्नेछ । किसानले दूध उत्पादनमा लागत बढेको भन्दै मूल्य बढाउन माग गर्दै आए पनि सरकारले साढे २ वर्षपछि हिजो मूल्य बढाएको हो ।
सरकारले बढाउने मूल्यमा किसानलाई ६९ प्रतिशत र ३१ प्रतिशत उद्योगलाई हुनुपर्ने नियम छ । सोहीअनुसार बजारमा पनि मूल्य कायम हुन्छ ।
