काठमाडौँ । नेपाल राष्ट्र बैंकले १० अर्ब रूपैयाँ बराबरको ट्रेजरी बिल बिक्री गर्ने भएको छ । राष्ट्र बैंकले ९१ दिन र ३६४ दिनको लागि ट्रेजरी बिल बिक्री गर्न लागेको हो । राष्ट्र बैंकले ९१ दिनको लागि ५ अर्व रुपैयाँ र ३६४ दिनको लागि ५ अर्व रुपैयाँ बराबरको ट्रेजरी बिल बोलकबोल प्रक्रियाबाट बिक्री गर्न लागेको हो।
ट्रेजरीको बोलकबोल सोमबार दिउँसो ३ बजे अनलाइनमार्फत खुला हुनेछ। ९१ दिने ट्रेजरी आगामी २०७९ जेष्ठ २१ गते परिपक्व हुनेछ भने ३६४ दिने ट्रेजरी २०७९ फागुन ३० गते परिपक्व हुने राष्ट्र बैंकले जनाएको छ । बोलकबोलमा सहभागी हुने क, ख र ग वर्गका बैंक, अन्य वित्तीय संस्था, गैरबैंक तथा वित्तीय संस्थालगायतलाई राष्ट्र बैंकले मंगलबार ट्रेजरी बिल जारी गर्नेछ।
राष्ट्र बैंकले सरकारलाई आवश्यक पर्ने अल्पकालीन ऋण उठाउन बोलकबोल प्रक्रियामार्फत् ऋणपत्र बिक्री गर्ने गर्दछ।
