काठमाडौं । एनआइसी एशिया बैंकले साधारणसभा गर्ने भएको छ । बैंकले चैत २० गते वार्षिक साधारणसभा गर्ने भएको हो । सभा आर्मी अफिसर्स क्लब भद्रकाली, काठमाडौंमा बिहान ९ बजे सुरु हुने बैंकले जनाएको छ । सभा प्रयोजनका लागि बैंकले मंगलबार चैत ८ गतेदेखि बुक क्लोज गर्ने भएको छ । तसर्थ चैत ७ गतेसम्म नेप्सेमा कायम रहने सेयरधनीले मात्र सभामा भाग लिन पाउनेछन् ।
बैंकले आफ्ना सेयरधनीहरुलाई १५ प्रतिशत बोनस सेयर र कर प्रयोजनका लागि ०.७९ प्रतिशत नगद लाभांश दिने घोषणा गरेको थियो । तर राष्ट्र बैंकले क्यापिटल कन्जर्भेसन बफर पर्याप्त नदेखिएकाले लाभांश प्रस्ताव अस्वीकृत गरेको थियो ।
बैंकले सभामा प्रबन्धपत्र तथा नियमावलीमा समसामयिक संशोधन गर्ने र संशोधनका लागि सञ्चालक समितिलाई अख्तियारी दिने प्रस्ताव रहेको छ । यस्तै स्वतन्त्र सञ्चालकमा विजया स्वारको नियुक्तिलाई अनुमोदन गर्ने विशेष प्रस्ताव पनि रहेको छ । संस्थापक र सर्वसाधरण सेयरधनी समूहबाट ३/३ जना सञ्चालकको निर्वाचन गर्ने एजेण्डा पनि रहेको छ ।
