काठमाडौं । सानिमा लाइफ इन्योरेन्स कम्पनीले नयाँ बोनसदर सार्वजनिक गरेको छ । कम्पनीको नयाँ दर अनुसार बिमितले अधिकतम ७० रुपैयाँ पाउने भएका हुन् । आर्थिक वर्ष २०७६/७७ सम्मको बीमांकीय मूल्यांकन अनुसार मुनाफामा सरिक हुने सबै बीमालेखहरुका लागि उक्त अवधिको प्रति वर्ष प्रति हजार बीमांकमा बोनसदर निर्धारण गरेको कम्पनीले जनाएको छ ।
सावधिक जीवन बीमा योजनामा बीमितले न्युनतम ३५ रुपैयाँदेखि अधिकतम ७० रुपैयाँ तोकिएको छ । ९ वर्षसम्म प्रतिहजार ३५ रुपैयाँ, १० देखि १४ वर्षसम्म ३५ रुपैयाँ, १५ देखि १९ वर्षसम्म ४२ रुपैयाँ र २५ वर्षभन्दा माथि प्रतिहजार ७० रुपैयाँ बोनस दर तोकिएको छ । एकल जीवन बीमा योजना अन्तर्गत बीमालेख खरिद बीमितले न्युनतम २५ रुपैयाँदेखि अधिकतम ६५ रुपैयाँ बोनस दर पाउने भएका छन्।
जसमा २५ वर्षभन्दा माथि प्रतिहजार ६५ रुपैयाँ र ९ वर्षसम्मको लागि प्रतिहजार ३५ रुपैयाँ बोनस दर रहेको छ । त्रिपल सावधिक बीमा योजनामा न्युनतम २० रुपैयाँदेखि अधिकतम ३० रुपैयाँ बोनस दर छ भने अग्रिम भुक्तानी योजना अन्तर्गत १० देखि २४ वर्षसम्मले न्युनतम ३५ रुपैयाँदेखि अधिकतम ४५ रुपैयाँ पाउने भएका छन् । वार्षिक अग्रिम भुक्तानी योजनामा सबै भन्दा कम बोनसदर जम्मा २० र २३ रुपैयाँ पाउने छन् ।
