वीरगंज । नेपालमा पहिलोपल्ट टायल्स उद्योग सञ्चालनमा आएको छ । बाराको जीतपुर सिमरा-८ इमली पर्तीटोलको साढे ५ बिघा क्षेत्रफलमा जग्गामा नेपाल सेरामिक इन्डस्ट्रिज संचालनमा आएको हो । उक्त उद्योगमा करिब १ अर्बको लगानी रहेको छ ।
उद्योगले फागुनको अन्तिम सातादेखि परीक्षण उत्पादन शुरु गरेको हो । उद्योगको सबै निर्माणको काम सम्पन्न भइसकेर हाल उद्योग सञ्चालनमा आएको छ ।
उद्योगले २४ घण्टामा २ गुणा २ वर्गफिटको सात हजार प्याकेट टायल्स उत्पादन गरिरहेको छ । उद्योगमा हाल १४ महिलासहित ३७ जना स्वदेशी र १४० जना भारतीय कामदार तथा प्राविधिकले काम गरिरहेका छन् ।
