काठमाडौं । एभरेष्ट बैंक लिमिटेडले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ । बैंकले यस त्रैमासमा १ अर्ब ५१ करोड ६३ लाख रुपैयाँ खुद नाफा आर्जन गरेको छ । जुन नाफा अघिल्लो वर्षको तुलनामा ०.५९ प्रतिशतले बढी हो । अघिल्लो वर्षको अवधिमा बैंकले १ अर्ब ५० करोड रुपैयाँ नाफा आर्जन गरेको थियो ।
बैंकको यस त्रैमासमा खुद ब्याज आम्दानी २४.५६ प्रतिशतले बढेको छ भने सञ्चालन नाफा ०.६२ प्रतिशतले बढेको छ । यस्तै वितरणयोग्य नाफा १६२.४६ प्रतिशतले बढेर २ अर्ब ७९ करोड रुपैयाँ पुगेको छ ।
निक्षेप संकलन ०.९८ प्रतिशतले वृद्धि हुँदा कर्जा लगानी १२.२२ प्रतिशतले वृद्धि भएको छ । बैंकको प्रतिसेयर आम्दानी १ रुपैयाँ १५ पैसाले घटेर २१ रुपैयाँ ४५ पैसा कायम भएको छ भने प्रतिसेयर नेटवर्थ २२६ रुपैयाँ २७ पैसा रहेको छ ।
