काठमाडौं । एभरेष्ट इन्स्योरेन्सको लाभांश सुरक्षित गर्ने आज आइतबार वैशाख ११ गते अन्तिम दिन रहेको छ । कम्पनीको ६.३१ प्रतिशत लाभांश सुरक्षित गर्ने आज अन्तिम दिन रहेको हो । कम्पनीले साधारणसभा प्रयोजनका लागि वैशाख १२ गते बुक क्लोज गर्ने भएको छ । तसर्थ लाभांश हात पार्न र सभामा भाग लिनको लागि आजै सेयरधनी बनिसक्नुपर्नेछ ।

कम्पनीको वार्षिक साधारणसभा वैशाख २१ गते हुने भएको छ । सभा अग्रवाल भवन, काठमाडौंमा दिउँसो २ बजेबाट हुने भएको हो । सभामा कम्पनीले गत वर्षको नाफाबाट ६ प्रतिशत बोनस सेयर र कर प्रयोजनका लागि ०.३१ प्रतिशत नगद लाभांश दिने प्रस्ताव सभामा पेश गर्ने भएको छ ।

यस्तै निर्जीवन बिमा व्यवसाय गर्ने उपयुक्त कम्पनीसँग गाभ्ने, गाभिने तथा प्राप्ति गर्ने सम्बन्धी सबै अधिकार सञ्चालक समितिलाई दिने प्रस्ताव पनि छ । आर्थिक वर्ष २०७७/७८ को वार्षिक प्रतिवेदन, नाफा नोक्सान हिसाब तथा नगद प्रवाह विवरणमा छलफल गरी पारित गर्ने भएको छ । आर्थिक वर्ष २०७८/७९ को लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पनि सभामा पेश हुनेछ । कम्पनीको अधिकृत पुँजी बढाएर ३ अर्ब रुपैयाँ पुर्याउने विशेष प्रस्ताव पनि छ । कम्पनीको प्रबन्धपत्र तथा नियमावली संशोधन गर्ने एजेण्डा पनि रहेको छ ।