काठमाडौं । जानकी फाइनान्सले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यस त्रैमासमा ५ करोड २४ लाख रुपैयाँ खुद नाफा आर्जन गरेको छ । जुन नाफा अघिल्लो वर्षको तुलनामा २५५.६७ प्रतिशतले बढी हो । अघिल्लो वर्ष कम्पनीले १ करोड ४७ लाख रुपैयाँ खुद नाफा आर्जन गरेको थियो ।

यता कम्पनीको खुद ब्याज आम्दानी ६६.२२ प्रतिशतले वृद्धि हुँदा र सञ्चालन नाफा पनि २४५.३५ प्रतिशतले वृद्धि भएको छ । रिर्जभ कोषमा २० करोड ५१ लाख रुपैयाँ रहेको कम्पनीको चुक्ता पुँजी ६९ करोड रुपैयाँ रहेको छ । कम्पनीले ३ अर्ब ७ करोड रुपैयाँ निक्षेप संकलन गरेको छ भने २ अर्ब ८७ करोड रुपैयाँ बराबरको कर्जा लगानी गरेको छ । यस्तै प्रतिसेयर आम्दानी १० रुपैयाँ १३ पैसा र प्रतिसेयर नेटवर्थ १३८ रुपैयाँ ६९ पैसा रहेको छ ।