काठमाडौं। अरुण भ्याली हाइड्रोपावरले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ। कम्पनीले यस त्रैमासमा ९ करोड ९९ लाख रुपैयाँ खुद नाफा आर्जन गरेको छ। जुन खुद नाफा आघिल्लो वर्षको ४०.१७ प्रतिशतले धेरै हो । गत वर्ष कम्पनीले ७ करोड १३ लाख रुपैयाँ नाफा आर्जन गरेको थियो ।

यस्तै कम्पनीको विद्युत बिक्रीबाट प्राप्त हुने आम्दानी पनि ६२.८७ प्रतिशतले बढेर ९ करोड ९२ लाख रुपैयाँ पुगेको छ । कम्पनीको अन्य श्रोतबाट हुने आम्दानी पनि ६ करोड ८२ लाख रुपैयाँबाट बढेर ७ करोड ५६ लाख पुगेको छ । यस्तै कम्पनीको चुक्ता पुँजी १ अर्ब ७२ करोड रुपैयाँ रहेको छ भने जगेडा कोषमा १६ करोड २ लाख ८० हजार रुपैयाँ रहेको छ ।  कम्पनीको प्रतिसेयर आम्दानी ७ रुपैयाँ ७१ पैसा रहेको छ र प्रतिसेयर नेटवर्थ १०९ रुपैयाँ २७ पैसा रहेको छ ।