काठमाडौं । आइएमई जनरल, प्रुडेन्सियल इन्स्योरेन्स र नेपाल इन्स्योरेन्स कम्पनीहरु एक आपसमा गाभिने भएका छन् । नियामक बीमा समितिले तोकेको चुक्तापुंजी साढे दुई अर्ब पुर्याउनलाई हकप्रदको बाटो बन्द हुने भएपछि यी तिन निर्जीवन बीमा कम्पनीहरु एक आपसमा गाभिने भएका हुन् ।

नेपाल इन्स्योरेन्सको चुक्तापुंजी १ अर्ब २४ करोड रहेको छ भने आईएमई जनरलको १ अर्ब १५ करोड र प्रुडेन्सियल इन्स्योरेन्सको १ अर्ब २ करोड रुपैयाँ चुक्तापुंजी रहेको छ । यी तिनवटै कम्पनीको चुक्तापुंजी जोड्दा करोड ३ अर्ब ४२ करोड नाघ्नेछ ।

यस्तै हिमालयन जनरल इन्स्योरेन्स र एभरेष्ट इन्स्योरेन्सले मर्जरका लागि सहमती गरिसकेका छन् भने बैशाख २९ मा मात्रै तीन जीवन कम्पनी गुराँस, युनियन र प्राइम लाइफबीच गाभ्ने/गाभिनेबारे सम्झौता भएको छ ।

यता एशियन लाइफ र महालक्ष्मी लाइफ कम्पनीबीच पनि मर्जर तथा प्राप्तिको बारेमा छलफल अगाडी बढेको छ । यस्तै सुर्य लाइफ र ज्योति लाइफबीच पनि मर्जर तथा प्राप्तिको सम्झौता हुने सम्भावना बढी देखिन्छ । आईएमई लाइफ र रिलायबल लाइफबीच पनि मर्जर तथा प्राप्तिको सम्झौता हुने सम्भावना पनि बढी देखिएको छ ।