काठमाडौं । वाणिज्य बैंकहरुबाट एक सातामा ४ अर्ब निक्षेप बाहिरिएको छ । वैशाख ३० गतेसम्ममा आइपुग्दा वाणिज्य बैंकहरुको निक्षेप ४ अर्ब रुपैयाँले बाहिरिएको बैंकर्स संघले जनाएको हो ।
वैशाख २३ गतेसम्म ४३ खर्ब ७३ अर्ब ४६ करोड निक्षेप रहेको थियो भने वैशाख ३० गतेसम्म आइपुग्दा करिब ४ अर्ब रुपैयाँले घटेर ४३ खर्ब ६९ अर्ब ७८ करोड रुपैयाँ पुगेको छ ।
यता कर्जा प्रवाह पनि यस अवधिमा २ अर्ब रुपैयाँले घटेको छ । वैशाख २३ गतेसम्म ४१ खर्ब ९३ अर्ब रुपैयाँ रहेको कर्जा प्रवाह भएको थियो भने ३० गतेसम्म आइपुग्दा २ अर्ब रुपैयाँले घटेर ४१ खर्ब ९१ अर्ब रुपैयाँ पुगेको छ ।
