काठमाडौं । पेप्सीकोले आफ्नो विश्वव्यापी इनर्जी ड्रिङ्क स्टिङ्गको बिक्री शुभारम्भ गरे सँगै नेपालमा आफ्ना वेभरेजहरुको उपलब्धतालाई बढाएको छ, जसले ग्राहकहरुलाई ऊर्जाशील बनाउने सम्पूर्ण तयारी गरेको छ । ब्राण्डद्वारा नेपालमा पहिलो पटक “द स्टिङ्ग इनर्जी” प्रचार अभियान अघि बढाएको छ । यस अभियान अन्तर्गत एक नयाँ जीवन्त टिभिसि विज्ञापनद्वारा ब्राण्डको ऊर्जा प्रतिबद्धतालाई अत्यन्त रचनात्मक एवम् रमाइलो तरिकाद्वारा दर्शाइएको छ ।
टिभिसिले रचनात्मक तवरबाट ग्राहकहरुलाई स्टिङ्गको ऊर्जाशील स्वादको आनन्द लिँदै उनीहरुको पललाई ऊर्जामय बनाउन हौस्याउँछ । फिल्ममा एकजना युवतीको कार हाइवेमा बिग्रीएर बसेको देखाइन्छ । एक युवक ती युवती छेऊ पुग्छ अनि उनलाई फेरि एकपटक स्टार्ट गर्न अनुरोध गर्दछ । तर स्टार्ट हुँदैन, यसपछि युवक आफ्नो कारसम्म गएर एक क्रेट चिसो स्टिङ्ग निकालेर ल्याउँछ, युवतीले युवकको यो क्रियाकलापलाई उत्सुकताका साथ हेरिरहेकी हुन्छिन् । टिभिसिले कसरी स्टिङ्गको मात्र एक घुँट लिनासाथ युवकमा ऊर्जा जागेर उसले केही अद्भूत चालहरुका साथ नृत्य गर्छ, त्यसपछि आफ्नो शरीरमा प्रवाहित ऊर्जाको शक्तिले युवतीको कार चार्ज गरिदिन्छ र युवतीलाई प्रभावित तुल्याउँछ अनि युवतीलाई देखिने गरी अचम्भित बनाइदिन्छ । फिल्म ब्राण्डको इनर्जाइजिङ्ग कोडलाई रचनात्मक तवरले दोहोर्याउँदै अन्त्य हुन्छ ।
बिक्री शुभारम्भको अवसरमा आफ्नो मन्तव्य राख्दै पेप्सीकोका नेपाल हेर्ने वरिष्ठ बजार निर्देशक नसीब पुरीले भने “हामी हाम्रो इनर्जीेले भरपूर ब्राण्ड नेपालमा ल्याउन पाएकोमा हर्षित भएका छौं । स्टिङ्ग असाधारण रुपमै एक उत्कृष्ट स्वादको ड्रिङ्क हो जसले शरीरलाई मात्र नभई मस्तिष्कलाई समेत झकझकाउँछ । हामीलाई विश्वास छ, स्टिङ्गले देशभरका युवाहरुको मन मुटु, मस्तिष्क र स्वादमा राज गर्नेछ र यो नयाँ मनोरञ्जक अभियानले हाम्रा ग्राहकहरु जो सधैँ सक्रिय छन् उनीहरुसँग बलियोरुपमा प्रतिध्वनित हुन्छ।”
नयाँ स्टिङ्ग टिभिसि टिभि, डिजिटल, आउटडोर र सामाजिक सञ्जालहरुमा व्यापक रुपमा प्रदर्शन गरिनेछ । अभियानलाई वर्षैभरी नै विभिन्न ग्राहक सम्पर्क केन्द्रहरु मार्फत् देशव्यापी रुपमा व्यापक बनाइनेछ । स्टिङ्ग २५० मिलिको प्याकमा नेपालका सबै आधुनिक एवं परम्परागत फुटकर बिक्रीस्थलहरु लगायत अग्रणी इ कमर्स प्लेटफर्महरुमा पनि उपलब्ध हुनेछ ।
