">
काठमाडौँ । नेपाल राष्ट्र बैंकका कर्मचारी ध्रुना सापकोटाको निधन भएको छ । शुक्रबार काठमाडौंबाट दोलखाको कालिञ्चोक भगवती दर्शन गर्न गएका सापकोटाको सवारी दुर्घटना हुँदा घटनास्थलमै निधन भएको हो । उनी राष्ट्र बैंकको थापाथलीस्थित कार्यालयमा कार्यरत थिए । प्रहरीका अनुसार उनीसंगी गाडीमा रहेकी उनकी श्रीमतीको दुवै हात भाँचिएको छ ।
उनको निधन भएपछी सो शवलाई वीरेन्द्र सैनिक अस्पताल छाउनी लगेर पोष्टमार्टम गरी आर्यघाटमा दाहसंस्कारसमेत गरिसकिएको छ ।
उनी पाँँच वर्षदेखि नेपाल राष्ट्र बैंकको थापाथलीस्थित कार्यालयको सुरक्षा हेर्ने टोली प्रमुख थिए ।
नेपालमा बैंक तथा वित्तीय संस्थाहरुको नियमनकारी निकाय नेपाल राष्ट्र बैंकको आन्तरिक सुरक्षाको निम्ति सेनाबाट अवकाशप्राप्त कर्मचारीलाई करारमा भर्ना गर्ने गरिएको छ । ‘सर्भिलेन्स ग्रुप’ भनिने यस्तो नियुक्तिका सापकोटा प्रमुख थिए ।
