• अर्थ सरोकार सम्बाददाता 

काठमाडौं । कुमारी बैंक र पाँच तारे होटल सांग्रिला प्राइभेटबीच सम्झौता भएको छ । बैंक र होटलबीच छुट सम्बन्धी सम्झौता भएको हो । उक्त सम्झौताभएसँगै बैंकका ग्राहकले सोही होटल अन्तर्गतका विभिन्न रेस्टुराँ तथा आउटलेटहरुमा खानपिन गर्दा १५ प्रतिशतसम्मको छुट प्राप्त गर्न सक्ने भएका छन् ।

बैंकका तर्फबाट बैंकका मार्केटिङ प्रमुख नवीनमुनि वज्राचार्य र सांग्रिला होटलका तर्फबाट सेल्स तथा मार्केटिङ निर्देशक सांगे तेञ्जिङ लामाले उक्त सम्झौता पत्रमा हस्ताक्षर गरेका हुन् । सम्झौतासँगै होटल सांग्रिलाका विभिन्न सेवामा बैंकका डेबिट कार्ड तथा क्रेडिट कार्डवाहकलाई आकर्षक छुटको व्यवस्था गरिएको बैंकले जनाएको छ ।