काठमाडौं । मिर्मिरे लघुवित्त वित्तीय संस्था र वुद्ध ज्योति लघुवित्त वित्तीय संस्थाले साधारणसभा एकै दिन गर्ने भएका छन् । दुवै कम्पनीले गाभ्ने–गाभिने प्रस्ताव पारित गर्न असार ३१ गते विशेष साधारण सभा गर्ने भएका हुन् । मिर्मिरेले वुद्ध ज्योति लघुवित्त वित्तीय संस्थालाई एक्वायर गर्ने भएको हो ।
मिर्मिरेको सभा होटल सारथी, धुलीखेलमा बिहान ११ बजे सुरु हुने भएको छ भने वुद्ध ज्योतिको सभा कम्पनीको केन्द्रीय कार्यालय लुम्बिनी साँस्कृतिक नगरपालिका पर्सा, रुपन्दैहीमा बिहान ११ बजे सुरु हुने भएको छ ।
दुवै कम्पनीले सभाको विशेष प्रस्तावका रुपमा डीडीएका आधारमा स्वाप रेसियो पारित गर्ने भएका छन् । यस्तै एक्वयारपछि कायम पुँजीका आधारमा प्रिमियममा एफपीओ निष्कासन गर्ने लगायतका एजेन्डा पनि कम्पनीहरुको छ । साथै कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी प्रदान गर्ने प्रस्ताव पनि रहेको कम्पनीले जनाएको छ ।
