काठमाडौँ । बैंकिङ कसूरको मुद्दामा फरार रहेका एक प्रतिवादी पक्राउ परेका छन् । काठमाडौं महानगरपालिका वडा नं.४,विशालनगर बस्ने ४० बर्षिय अमित शम्शेर ज.ब.रा सो कसुरमा पक्राउ परेका हुन् ।

उनले आफ्नो खातामा पर्याप्त मौज्दात रकम नभएको भन्ने जानीरजानी जाहेरवालालाई झुक्यानमा पारी सिटिजन्स बैंक लिमिटेडको चेक काटी दिई बैंकिङ कसूरजन्य अपराध गरेको ठहर भएको थियो । उच्च अदालत पाटनले उनीमाथि बैंकिङ कसूर तथा सजाय ऐन २०६४ बमोजिम १० दिन कैद र ६६ लाख जरिवाना सुनाएको थियो। उनलाई टुडालदेवी,काठमाडौंबाट पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरिएको छ ।