काठमाडौँ । रिलायन्स र सानिमा लाइफ इन्सुरेन्सले मर्जर सम्झौता गरेपछि गत असार २९ गतेदेखि यी दुवै कम्पनीको सेयर करोबार रोक्का भएको थियो । मर्जर सम्झौता पछि कारोबार रोक्का रहेको रिलायन्स लाइफ इन्स्योरेन्सको सेयर शुक्रबार नेप्सेमा कारोबार भएको देखिएको छ । कम्पनीको सेयर मुल्यमा पोजेटिभ सर्किट समेत लागेको  हो। कम्पनीको फ्लोरसिट हेर्दा ६१० कित्ता सेयर किनबेच हुँदा २ लाख २४ हजार १ सय २६ रुपैयाँ बराबरको सेयर कारोबार भएको छ ।

कम्पनीको सेयर कारोबार कसरी भयो भन्ने बिषयमा अनुसन्धान अघि बढाइएको नेप्सेले जानकारी गराएको छ । प्राविधिक त्रुटिका कारणले नै कम्पनीको कारोबार भएको भएपनि कसरी उक्त त्रुटि भयो भन्ने अध्ययन भइरहेको नेप्सेका एक अधिकारीले जानकारी गराएका छन ।