काठमाडौँ । अघिल्लो आर्थिक वर्षको भन्दा गत आर्थिक वर्षमा नेश्नल हाइड्रोपावर कम्पनीको घाटा कम भएको छ । कम्पनीले सार्वजनिक गरेको गत आर्थिक वर्षको अन्त्यसम्मको अपरिष्कृत वित्तीय विवरण अनुसार गत आर्थिक वर्षका कम्पनीको घाटा कम भएको छ ।
अघिल्लो वर्ष कम्पनी २ करोड २१ लाख रुपैयाँले घाटामा रहेको थियो ।गत आर्थिक वर्षको चौथो त्रैमाससम्ममा कम्पनीको सो घाटा केही कम हुँदै गत वर्षसम्मको कुल घाटा १ करोड ७४ लाख रुपैयाँ पुगेको हो । गत आर्थिक वर्षमा कम्पनीको आम्दानीमा भने वृद्धि भएको छ । अघिल्लो वर्ष २ करोड ५४ लाख रुपैयाँ आम्दानी गरेको कम्पनीले गत वर्ष त्यसको झण्डै दोब्बर अर्थात ४ करोड ९१ लाख रुपैयाँ आम्दानी गरेको छ ।
हाल कम्पनीको चुक्ता पूँजी १ अर्ब ६४ करोड रुपैयाँ रहेको छ । अहिले कम्पनीले ५० प्रतिशत हकप्रद सेयर जारी गर्न प्रकृया अघि बढाएको छ । जगेडामा १ करोड ७० लाख रुपैयाँ छ । अघिल्लो वर्ष कम्पनीको जगेडा कोष ३५ करोड ५१ लाख रुपैयाँले ऋणात्मक थियो । गत वर्ष कम्पनीले तल्लो इन्द्रावती जलविद्युत निर्माणको लागि लाइसेन्स पाएको छ । गत आर्थिक वर्षमा कम्पनीका प्रतिसेयर आम्दानी ८६ पैसा छ भने प्रतिशेयर नेटवर्थ १०० रुपैयाँ ९४ पैसा रहेको छ ।
