काठमाडौं । गतवर्ष जीवन विकास लघुवित्तको खुद नाफामा उल्लेख्य बढोत्तरी भएको छ । लघुवित्तले सार्वजनिक गरेको गतवर्षको चौथो त्रैमाससम्मको अपरिष्कृत वित्तीय विवरणमा ७८ करोड १९ लाख ३७ हजार रुपैँया खुद नाफा आर्जन गरेको उल्लेख गरिएको छ । जुन खुद नाफा अघिल्लो वर्षको तुलनामा १३.४० प्रतिशत धेरै हो । अघिल्लो वर्ष लघुवित्तले ६८ करोड ९५ लाख ५८ हजार रुपैयाँ खुद नाफा कमाएको थियो ।
लघुवित्तले गरेको प्रक्षेपण अनुसार खुद ब्याज आम्दानी र सञ्चालन मुनाफा बढेसँगै बैंकको खुद नाफा बढ्न पुगेको हो । गत आर्थिक वर्षको अन्त्यसम्ममा बैंकको खुद ब्याज आम्दानी १२.५० प्रतिशतले बढेर १ अर्ब ५९ करोड ३८ लाख रुपैयाँ पुगेको छ । बैंकको कुल सञ्चालन नाफा ११२.९६ प्रतिशतले बढेर ८१ करोड ७२ लाख रुपैयाँ पुगेको छ ।
नाफा बढेपनि कम्पनीकोको प्रतिसेयर आम्दानी भने घटेको छ । समीक्षा अवधिमा लघुवित्तको प्रतिसेयर आम्दानी (ईपिएस) ३७ रुपैयाँ ७४ पैसाले घटेर ७५ रुपैयाँ ६० पैसा रहेको छ भने प्रतिसेयर नेटवर्थ पनि ४५ रुपैयाँ ७१ पैसाले घटेर २६९ रुपैयाँ ८१ पैसा रहेको छ । समीक्षा अवधिमा बैंकको चुक्ता पूँजी १ अर्ब भन्दा माथि पुगेको छ ।
