काठमाडौँ । अरुण भ्याली हाइड्रोपावर डेभलपमेन्ट कम्पनीले गत आर्थिक वर्षको चौथो त्रैमाससम्मको वित्तीय विवरण सार्वजनिक गरेको छ। कम्पनीले यस त्रैमासमा ८ करोड ९९ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा १५.६८ प्रतिशतले धेरै हो । अघिल्लो वर्ष कम्पनीले ८ करोड ९९ लाख रुपैयाँ खुद नाफा आर्जन गरेको थियो।
कम्पनीको विद्युत बिक्रीबाट हुने आम्दानीमा उल्लेख्य वृद्धि भएसंगै खुद नाफा बढ्न पुगेको हो । कम्पनीको विद्युत बिक्री आम्दानी १६०.४९ प्रतिशतले बढेको छ । असार मसान्तसम्ममा आइपुग्दा कम्पनीको अन्य श्रोतबाट हुने आम्दानी १.४३ प्रतिशतले वृद्धि भएको छ भने कुल आम्दानी ६५.७० प्रतिशत बढेको छ ।
साथै, कम्पनीको सञ्चालन मुनाफा पनि ६०.०२ प्रतिशत बढेको छ । हाइड्रोपावरको चुक्ता पूँजी १ अर्ब रुपैयाँ रहेको छ भने जगेडा कोषमा १५ करोड २ लाख रुपैयाँ सञ्चित रहेको छ । कम्पनीको प्रतिशेयर आम्दानी २६ पैसा बढेर ५ रुपैयाँ २० पैसा रहेको छ भने प्रतिशेयर नेटवर्थ १०८ रुपैयाँ ६९ पैसा रहेको छ । त्यस्तै, कम्पनीको मूल्य आम्दानी अनुपात ६८.४६ गुणा रहेको छ ।
