काठमाडौं । काठमाडौँ महानगरपालिकाले सुन्धारास्थित काठमाडौँ मलमा अबैध रुपमा बनाइएका संरचना हटाएको छ । काठमाडौँ मल कर्मचारी संचय कोषको स्वामित्वमा रहेको छ । अनधिकृत रुपमा नक्सा विपरित संरचना बनाएर उपयोग गरेको पाएपछि महानगरले सो संरचना हटाएको हो ।

बुधबार बिहान मेयर बालेन्द्र शाह र ट्राफिक प्रहरी प्रमुख मिरा चौधरीको उपस्थितिमा मलको अनधिकृत संरचना हटाएको हो । पछिल्लो समय काठमाडौं महानगरपालिकले नक्सा पास गर्दा लिएको प्रयोजनभन्दा अन्य संरचना बनाइएको स्थानमा त्यस्ता संरचनाहरु भत्काइरहेको छ ।

केही दिनअघि मात्रै महानगरपालिकाले नयाँ बानेश्वर क्षेत्रका नियमविपरित अन्डरग्राउण्ड पार्किङ संचालन भएका पसलहरू भत्काएको थियो ।