काठमाडौं । एनआईबिएल एस क्यापिटलले गत वर्षको नाफाबाट २० प्रतिशत नगद लाभांश वितरण गर्ने भएको छ । कम्पनीको सञ्चालक समितिको बैठकले गत वर्षको नाफाबाट २० प्रतिशत अर्थात २७ करोड नगद लाभांश (कर सहित) वितरण गर्ने निर्णय गरेको हो । क्यापिटलको आगामी वार्षिक साधारण सभाले अनुमोदन गरेपछि लाभांश वितरण हुने जनाएको छ ।
संचालक समितिले गरेको निर्णय अनुसारको लाभांश पारित गर्न क्यापिटलले कात्तिक १८ गते दशौँ साधारण सभा बोलाएको छ । क्यापिटलका अनुसार सभा क्यापिटलकै सभाहल लाजिम्पाटमा हुनेछ ।
सभाले अन्य मर्चेन्ट बैंक एक आपसमा गाभ्ने, गाभिने र प्राप्ति गर्न आवश्यक पर्ने सम्पूर्ण कार्य गर्न सञ्चालक समितिलाई अख्तियारी दिने प्रस्ताव अनुमोदन गर्ने भएको छ ।
सभाका लागि चालु आर्थिक वर्ष २०७९(८० का लागि लेखापरिक्षक नियुक्ति र तलव निर्धारण गर्ने एजेन्डा तयार गरिएको छ । त्यस्तै, सभामा आर्थिक वर्ष २०७८–७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुने भएको छ ।
