काठमाडौं । ग्लोबल हंगर इन्डेक्समा नेपाल ८१औँ स्थानमा पुगेको छ । सन् २०२२ को वैश्विक भोकमरी सूचकाङ्क (ग्लोबर हंगर इन्डेक्स)मा नेपालको अवस्था ८१औँ स्थानमा मापन गरिएको छ । यद्यपी इन्डेक्सका अनुसार नेपालको अवस्थामा भारत, पाकिस्तान र बंगलादेशको तुलनामा राम्रो छ ।
१२१ देशको वरियतामा भारत १०७औं स्थानमा रहेको छ भने पाकिस्तान ९९औं स्थानमा रहँदा बंगलादेश ८४औं स्थानमा पुगेको छ । यसभन्दा अघि गत वर्ष ११६ देशको वरियतामा नेपाल यो सूचकांकको ७६औं स्थानमा रहेको थियो ।
यो सूचिमा दक्षिण एसियाकै राम्रो अवस्थामा श्रीलंका देखिएको छ । आर्थिक समस्या झेलिरहेको श्रीलंका यो सूचकांकमा ६४औं स्थानमा रहेको छ । दक्षिण एसियामा सबैभन्दा कमजोर रहेको अफगानिस्तान १०९औं स्थानमा छ । वैश्विक भोकमरी सूचकांक कुपोषण, गम्भीर शिशु कुपोषण, अवरुद्ध वृद्धि र बाल मृत्युदरसहित चार सूचकहरुको मानमा यसको मापन गरिन्छ ।
जीएचआईलाई १०० अंक मानेर यसको आधारमा देशको भोकमरीको गम्भीरताको स्थिति देखाइन्छ । कुनै देशको अवस्था शून्य छ भने त्यो राम्रो अवस्था हो । यो अंक १०० हुनु सबैभन्दा खराब अवस्था हो ।
