काठमाडौं । राष्ट्र उत्थान लघुवित्त वित्तिय संस्थाले चालु आर्थिक वर्षको वित्तिय विविरण सार्वजनिक गरेको छ । लघुवित्तले ३८ लाख २३ हजार रुपियाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ६९.४६ प्रतिशतले कम हो । राष्ट्र उत्थानले अघिल्लो वर्षको सोहि अवधिमा १ करोड २५ लाख १७ हजार रुपैयाँ नाफा आर्जन गरेको थियो ।
लघुवित्तको खुद ब्याज आम्दानीसँगै सञ्चालन नाफा पनि घटेपछि खुद नाफामा गिरावट आएको हो । असार मसान्तसम्म आइपुग्दा राष्ट्र उत्थानको रिजर्भ कोष भने ४२.४० प्रतिशतले बढेको छ । कम्पनीको रिजर्भमा १८ करोड ५९ लाख ७७ हजार रुपैयाँ जम्मा भएको छ ।
अघिल्लो आर्थिक वर्षको सोही अवधिमा लघुवित्तको रोजर्भमा १३ करोड ६ लाख ३ हजार रुपैयाँ मात्र रहेको थियो । यसको कस्ट अफ फन्ड र खराब कर्जा पनि बढेको छ । राष्ट्र उत्थानको प्रतिसेयर आम्दानी ५ रुपैयाँ ८८ पैसा रहेको छ भने प्रतिसेयर नेटवर्थ १७१ रुपैयाँ ५३ पैसा रहेको छ ।
