काठमाडौं । चिलिमे जलविद्युत कम्पनी लिमिटेडले चालु आर्थिक वर्षको पहिलो त्रैमासमा २० करोड ७८ लाख ८० हजार रुपैयाँ नाफा आर्जन गर्न सफल भएको छ । जुन नाफा गत वर्षको तुलनामा २.१४ प्रतिशतले धेरै हो । गत आर्थिक वर्ष यसैअवधिमा कम्पनीले २० करोड ३५ लाख ३१ हजार रुपैयाँ खुद नाफा आर्जन गरेको थियो ।

यस्तै कम्पनीको विद्युत् बिक्रीबाट हुने पनि आम्दानी १.१८ प्रतिशतले बढेर ३५ करोड ५८ लाख ३८ हजार रुपैयाँ पुगेको छ । गत आर्थिक वर्षको सोही अवधिमा भने कम्पनीले विद्युत् बिक्रीबाट ३५ करोड १६ लाख रुपैयाँ आम्दानी गरेको थियो । कम्पनीको वित्तीय नाफा ५५.४७ प्रतिशतले बढेर ३ करोड ९१ लाख रुपैयाँ पुगेको छ । कम्पनीको सञ्चालन आम्दानी भने ३.२१ प्रतिशतले घटेर २२ करोड ८३ लाख रुपैयाँ कायम भएको छ ।

कम्पनीको चुक्ता पुँजी ६ अर्ब ७५ करोड १७ लाख ९४ हजार रुपैयाँ रहको छ भने रिर्टन अर्निङमा ३ अर्ब ८३ करोड २६ लाख रुपैयाँ रहेको छ । साथै प्रतिसेयर आम्दानी ४ पैसाले बढेर १२ रुपैयाँ १९ पैसा पुगेको छ र प्रतिसेयर नेटवर्थ १५६ रुपैयाँ ७७ पैसा रहेको छ ।