काठमाडौं । राष्ट्रिय स्वतन्त्र पार्टीकी प्रतिनिधिसभा उम्मेदवार डा. तोसिमा कार्कीले मतदान गरेकी छन् । उनले ललितपुर महानगरपालिका वडा नं १८ स्थित रत्नज्योति परिवार महिला भवनमा मत खसालेकी हुन् ।
उनले आफू परिवर्तन र विकासका लागि उम्मेदवार भएको बताइन् । कार्की ललितपुर क्षेत्र नम्बर ३ बाट प्रतिनिधि सभाको उम्मेदवार रहेकी छन् । उनको प्रतिस्पर्धीमा नेकपा माओवादी केन्द्रकी नेतृ तथा ऊर्जामन्त्री पम्फा भुसाल रहेकी छन् ।
ललितपुरको भैँसेपाटीमा मत हालेपछि डा. कार्कीले भनिन्, ‘मत माग्नु भन्दा ठूलो जिम्मेवारी मतदान हो, अहिले त्यही महसुस गरेकी छु । यो मतदानले आउँदो पुस्ताको भविष्य निर्धारण गर्छ । देशका लागि दिन सकिने ठूलो दान नै मतदान हो ।’
