नवलपरासी । नवलपरासी निर्वान क्षेत्र नं. १ मा नेपाली कांग्रेसका बिनोद चौधरीले अग्रता कायम गरेका छन् । पछिल्लो मत परिणाम अनुसार चौधरीले हालसम्म ९ हजार ९ सय १ मत प्राप्त गरेका छन् ।

त्यस्तै उनका निकटतम प्रतिद्वन्द्वीका रुपमा रहेका राष्ट्रिय स्वतन्त्र पार्टीका महेन्द्र सेत ठकुरीले ९ हजार ५ सय ६५ मत पाएर दोस्रो स्थानमा झरेका छन् । सुरुवातदेखि अग्र स्थानमा रहेका चौधरीलाई बीचमा घण्टीका उम्मेदवार सेनले पछि पारेका थिए ।

त्यस्तै, जनता प्रगतिशिल पार्टीका हृदयेश त्रिपाठी भने सुरुदेखि नै तेस्रो स्थान पछ्याईरहेका छन् । उनले ७ हजार ५०० मत प्राप्त गरेका छन् । त्यस्तै, राप्रपाका उम्मेद्वार भोजराज ढकालले भने १८ सय ३१ मत ल्याएका छन् ।